Македонските патишта најлоши. Само 15 километри се безбедни оцени ЕУ

Според Светска Банка квалитетот на патиштата во Македонија, во споредба со соседните земји, постојано се влошува. Ако некогаш бевме лидер во регионот според квалитетот на патиштата, сега сме на самото дно, изјави на денешната прес-конференција Благој Бочварски, член на ИО и претседател на Комисија за транспорт и врски на СДСМ.

Од центар на Балканот Македонија стана заобиколена земја, со најлоши патишта, рече тој, додавајќи дека тоа го потврдува анализата на ЕУ за квалитетот и безбедноста на патиштата (“Star rating for safety”).

– Како последица на погрешните, криминални политики на ВМРО-ДПМНЕ Македонија во моменов има најлоша патна инфраструктура во регионот.