Македонските кошаркари ја издвоија својата втора победа по ред на ЕП

Македонските кошаркарски репрезентативци до 20 години стигнаа и до втората фаза на еврошампионатот во Сехешфехервар откако со убедливи 81:45 ја совладаа репрезентацијата на Ерменија.

За доминантноста на теренот во текот на 40-те минути ирга беше задолжен капитенот Андреј Магдевски со 30 поени, 6 асистенции и исто толку скока. Во спротивниот тим како најефикасен се покажа Тавакалијан со 20 поени.

Утрешниот ден за репрезентативците е задолжен за одмор а веќе од понеделник во последното коло од групата Ц ќе се соочат со кошаркарите на Швајцарија.