Wednesday, Jul 26, 2017
HomeДЕНЕШНАРепубликаМакедонија утре ќе ја одбележи 12-годишнината од смртта на Борис Трајковски

Македонија утре ќе ја одбележи 12-годишнината од смртта на Борис Трајковски

boris trajkovski grob

Во Македонија и во Босна и Херцеговина утре ќе бидат одбележани 12 години од смртта на поранешниот македонски претседател Борис Трајковски, кој загина во авионска несреќа кај Ротимље во близина на Мостар. Во Скопје, во Алејата на великаните на Градските гробишта во Бутел цвеќе на гробот на Трајковски ќе положат повеќе делегации и граѓани.

Годишнината од смртта на претседателот Трајковски утре ќе биде одбележана и пред платото на Спортскиот центар „Борис Трајковски“ во Скопје. Цвеќе ќе биде положено и на спомен обележјето во Ротимље во Босна и Херцеговина.

Во авионска несреќа што се случи на 26 февруари 2004 година загинаа претседателот на Република Македонија Борис Трајковски и осумчлената македонска делегација која патуваше на Меѓународна конференција во Мостар. Во несреќата животот го загубија портпаролот Димка Илкова Бошковиќ, советниците Ристо Блажевски и Анита Лозановска, претставникот на министерството за внатрешни работи Миле Крстевски, телохранителите Аце Божиновски и Борис Велиновски, како и пилотот и копилотот на авионот.