Македонија се враќа со 27 медали од Светското првенство во боречки вештини
Македонската репрезентација во боречки спортови и вештини се врати од Светското првенство кое се одржуваше во Германија со 27 освоени медали. Репрезентацијата беше составена од членови на Академијата за боречки вештини „За нед до“ од Битола.
Македонските репрезентативци, во конкуренција од над 1000 натпреварувачи од 65 земји, се вратија од Светското првенство во Германија со 7 златни, 12 сребрени и 8 бронзени медали. Со по два златни медали од Светското првенство се вратија Сунај Мифтар и Маја Кузманова, а по 1 злато освоија Христијан Котевски, Дијана Неделковска и Златко Неделковски.
Дијана Неделковска, меѓудругото, по трет пат ја потврди светската доминација во категорија демонстрации на екстремна самоодбрана, освојувајќи го третото светско злато по ред. /извор Канал 5