HomeДЕНЕШНАСкопјеМајмунот Коко ќе се врати во Македонија излечен

Мајмунот Коко ќе се врати во Македонија излечен

Шимпанзото Коко е здрав, весел и по 6,5 години ресоцијализација во Холандија спремен да се врати во својот роден град. Она што треба да се направи е да му се изгради ново живеалиште согласно стандардите пропишани од Светската асоцијација за заштита на животните, изјави за Вечер портпаролот на скопската Зоолошка градина Дане Кузмановски.

– Би било навистина неприфатливо животно со толку развиен интелект, какво што е Коко, да не му обезбедиме исти услови во какви што тој живее денес. Во моментов екипа на нашата ЗОО престојува во Алмере, Холандија каде се врши усогласување на проектот за реновирање на живеалиштето што го изработивме ние, со стандардите кои се бараат за да ни го вратат. Се надеваме дека реновирањето на новото живеалиште за шимпанзото кое претставуваше заштитен знак на зоолошката ќе започне наскоро и дека тоа ќе го сториме брзо и експедитивно со помош на институциите и компаниите, вели Кузмановски.

Тој информира дека во екипата која во моментов е во посета на Институтот за ресоцијализација на шимпанза што се наоѓа близу Амстердам, се директорот на зоолошката кој е биолог, ветеринарен доктор и архитектот што го проектираше живеалиштето. Според идејниот проект кој ќе биде презентиран во Холандија, новиот дом на Коко има голем број реквизити и е во форма на циркус.

Коко, пред 19 години е роден во Скопската зоолошка градина. Кусо време по раѓањето мајка му почина од туберкулоза, а тој остана сам и падна во депресија. Почна да си ги кубе влакната и да се удира на шипките од кафезот. Поради тоа, во април 2009 година како 13-годишник замина во Холандија на ресоцијализација. По неколкугодишниот третман тој е сосема излечен и во одлична кондиција, спремен за враќање. Доколку се оди според планираното, тоа би требало да се случи следната година.

Social Media Auto Publish Powered By : XYZScripts.com