Мајка Тереза првата светица од Скопје
Пред стотина илјади верници папата Франциско на свечена миса ја прогласи скопјанката Мајка Тереза за светица за заслугите за ширење на христијанството, залагањето за сиромашните и беспомошните и инспирација за хуманизам и добри дела. Насобраниот народ со овации ја дочека веста за нејзина канонизација во Католичката црква откако беа потврдени три чуда кои ги извршила додека била жива.
„Во чест на светото тројство ја прогласуваме и дефинираме блажената Тереза од Калкута за светица и ја вбројуваме меѓу светите, и укажуваме дека треба да биде почитувана како таква од целата Црква“, рече Папата на латински.
Агнеса Гонџа Бојаџиу е родена во 1910 година во Скопје, а почина на 5 септември 1997 во Калкута. Таа го формираше редот на мисионерки со хуманитарен карактер и нивната активност е присутна во стотина земји ширум светот.