Мадрид обоен во бело, пречекани хероите кои ја покорија Европа
Шпанската престолнина е обоена во бело во знакот на кралскиот клуб кој во големото финале на Лигата на шампионите успеа да го совлада градскиот ривал Атлетико Мадрид и да стигне до неверојатната 11-та титула.
Фудбалерите на Реал до пехарот стигнаа по ладнокрвното изведување на пенали погодувајќи пет пати од белата точка без никаков проблем.
Атлетико прикажа жестока борба низ сите 120 минути, но искуството на фудбалерите на Реал беше пресудно. За „Јорганџиите“ ова е втор пораз од истиот ривал во големото финале, откако загубија и пред две години во Лисабон. Зидан покрај како играч сега стана шампион и како тренер на Реал Мадрид.
Стотина илјади мадриѓани ја славеа победа на Реал кој изби на врвот како најдобриот европски тим во последните пет години.