Лустрираниот судија Ивановски доби правда во Стразбур
Поранешниот член на уставниот суд Трендафил Ивановски кој беше лустриран поради соработка со тајната полиција во минатиот режим ја доби правдата во Стразбур против Република Македонија и Европскиот суд за човекови права донесе пресуда во негова корист.Во пресудата е утврдено дека на Ивановски му се повредени правото на правично судење според член 6 и повредена му приватноста и семејниот живот, како и врз интегритетот на членовите на семејството и врз достоинство честа и угледот на апликантот.
Одлуките во „Стразбур“ се носат врз основа на Европската конвенција за човекови права која ратификувана во Македонија и е дел од нашето законодавство. Инаку Трендафил Ивановски добил и парична оштета од околу 5 илјади евра, но тој вели дека важно е што конечно правдата и вистината излегле на површина по повеќе од 5 години борба.
Извор: nova.tv