Ловци кукавици убија лав симбол на Зимбавбе

Ловот во Зимбавме е дозволен во одредени зони со јасно изразени правила, но очигледно ловците кукавици кои нелегално убиваат животни се подготвени на се, дури и на убиство на Сесил, омилениот лав во националниот парк Хванге.

Според првичната истрага 13-годишниот лав Сесил бил намамен надвор од зоната на националниот парк со мрша и потоа бил застрелан од непознат ловец, но не бил веднаш усмртен. Лавот два дена бил следен преку GPS локаторот како се мачи со повредата по што бил застрелан од милост.

Подмолниот ловец најверојатно платил околу 50 илјади долари на Ловното друштво на Зимбавбе, од каде се уапсени двајца членови но, по него се уште се трага. Од Ловното друштво на Зимбавбе изјавија дека нивните членови мора да ја почитуваат ловната етика и секој кој ќе ги наруши правилата ќе биде отстранет. Посетителите на паркот Хванге се бесни и бараат истрага за пронаоѓање и казнување на нелегалниот ловец.