Лизгање на земјиште во Србија, 30 луѓе заробени во своите автомобили
Поради лизгање на земјиште во Србија 10 автомобили се зарoбени, но никој не е повреден и во тек е евакуација на патниците, јави агенцијата „Танјуг“.
– Имаше лизгање на земјиште на пат во местото Перучац во близина на Бајина Башта, и притоа се заробени 10 автомобили. Луѓето не можат безбедно да излезат ако не им се помогне – изјави за „Танјуг“ шефот на Секторот за вонредни ситуации во МВР на Србија, Предраг Мариќ.
Претседателот на општината Бајина Башта, Радомир Филиповиќ, вели дека околу 30 луѓе, меѓу кои има и деца, се заробени меѓу две места каде има лизгање на земјиште на патот Перучац-Ратиште. До лизгање на земјиште дошло по поројни дождови во текот на денешниот и изминатите денови.