Листа на најдобрите светски градови за живеење според „Monocle“
Според редовната анкета на британскиот тренди магазин „Монокл“ (Monocle), Токио е најдобар град за живеење, следен е Берлин, Виена, Копенхаген и Минхен, додека на списокот нема ниту еден балкански град.
Параметрите што се користени во студијата се однесуваат исклучиво на животниот стандард во градовите и мислењето на населението, напоменуваат авторите и додаваат дека главно станува збор за безбедноста, здравствениот систем, образованието, стапката на криминал, можноста за забава и квалитетот на градскиот превоз.
На списокот на најдобри градови за живеење во светот уште се најдоа и Мелбурн, Сиднеј, Кјото, Ванкувер, Хелсинки, Цирих, Мадрид, Хамбург, Лисабон, Дизелдорф, Хонг Конг. Од десетте најдобри градови за живеење пет се во Европа, а другите пет во Азија и Пацификот.