Лина Ѓорческа ја освои титулата во двојки во Врњачка Бања
Најдобрата македонска тенисерка Лина Ѓорческа заедно со својата партнерка Шантал Скамлова од Словачка победија во игра на двојки на фјучрсот во Врњачка Бања. Тие во финалето славеа против српските тенисерки Лазиќ и Маринковиќ со убедливи 6-4 6-0, за осми пехар во двојки оваа година за македонската тенисерка.
Ѓорческа ќе продолжи со настапите на овој турнир, но во поединечна конкуренција. Таа денес во полуфиналето ќе игра против Габриела Хорачкова од Чешка.
Во поединечна конкуренција, Ѓорческа, е рангирана како прва носителка.