Либерална партија самостојно на априлските избори
На априлските избори најверојатно Либералната партија ќе настапува самостојно. Венко Глигоров, претседател на комисијата за економија и финансии при Либералната партија, во Прилеп изјави дека нивната одлука е да се појават самостојно на исзбори со сопствена политичка стратегија.
– Битно ни е нашите решенија и модел за развој на Македонија да допре до поголем број на граѓани во Македонија. Каков сакаат изборен модел да направат В-Д или СДС, ние ќе се посветиме на привлекување повеќе гласачи. Граѓаните се приоритет за нас – рекол Глигоров.
Според стратегијата, Либералната партија ќе направи реорганизација на министерствата, а сите несуштински делови и активности на владините институции и тела ќе се префрлат во надлежност на бизнис и невладиниот сектор. Либералната партија најави дека ќе се посвети на активности и решенија групирани во трите стратешки теми: „Економија на прво место“, „Организирана држава“ и „Образование и млади“.
Денеска попладне, претставници од Либералната партија организираат работна средба со општинската организација во Охрид.