Летна атракција: Плажа која нема море
Мислите дека за добар летен одмор ви е потребна долга плажа и распространето море или езеро? Се лажете. Оваа навидум мала и необична плажа станува вистински хит, токму поради фактот дека нема море.
Недалеку од градот Llanes на северот од Шпанија се наоѓа магичната плажа Гулпијури, која изобилува со ситен песок, кристално чиста вода и која, верувале или не, се наоѓа покрај ливада.
Плажата е долга само 40 метри, а од морето е оддалечена 100 метри. Силните бранови од Бискајскиот залив со години удирале во тој дел од крајбежјето и предизвикале настанување на брда и мали тунели, преку кои е поврзана плажата со морето.
Токму поради автентичноста и затскриеноста, ова популарно место е предизвикувачко за сите туристи кои сакаат необичност во летувањата.