ЛДП бара Талески да си поднесе оставка
„Што ли уште треба да се случи за градоначалникот на Битола, Владимир Талески, да си поднесе оставка од функцијата и да го ослободи градот од криминалот, корупцијата и скандалите со кои ја разнебити Битола“, изјави денеска Горан Милевски од ЛДП.
„Не е ли срамота, конзулска Битола, да има градоначалник кој помина 3 месеци во притвор поради сомнение за сторен криминал и на кого денес една од главните работни задачи му е пријавување во основниот судот во Битола секој петок во неделата.
Талески, за кого Специјалното јавно обвинителство најави и обвинителен акт за коруптивни тендери, со кој се проневериле 360 000 евра народни пари, и понатаму упорно да седи на градоначалничката фотеља.
Актерот, Владимир Талески, се покажа како раритет, посебен примерок од политичарите на ВМРО-ДПМНЕ, кој остана единствениот споменат во „бомбите“ на опозицијата кој не си поднесе оставка. Дури и неговите ментори Груевски, Јанкуловска, Јанакиевски си заминаа, но Талески сеуште се бори и не се дава. Ова зборува за каква личност станува збор, за каков ментален склоп и психологија на владеење и делување“, вели Милевски.