HomeДЕНЕШНАЦрна хроникаКумановец платил 20 илјади евра на лажен инспектор да му го ослободи синот од затвор

Кумановец платил 20 илјади евра на лажен инспектор да му го ослободи синот од затвор

zatvor1

Кумановец платил неверојатни 20 илјади евра на лице кое се претставувало како инспектор за да го ослободи од затвор неговиот син. МВР соопшти лицето Н.Б. (68) од село Отља, Кумановско во полициска станица Гази Баба вчера во 13:50 часот пријавил дека во текот на месец јули годинава од страна на лицето Н.М. од Тетово му била извршена измама за сума од  20.000 евра.

Пријавителот заедно со неговата ќерка Т.Б. и нејзина другарка се сретнале во ресторан во село Сарај со пријавениот Н.М. Тој им се претставил како полициски инспектор по дрога и оружје во СВР Тетово.

Откако Т.Б му кажала дека нејзиниот брат Б.Б. е во затвор, обвинетиот им кажал дека има пријатели во затвор и во суд и дека можат да ги исклучат камерите за тие да го посетат. По неколку дена се сретнале во населба Ѓорче Петров и Н.М. наводно се јавил на адвокатот за да го праша колку пари се потребни за да го ослободат Б.Б. од затвор. Пријавителот Н.Б. за ослободување на лицето Б.Б. од затвор му дал 20.000 евра на Н.М.

Кога Н.Б. во месец септември годинава отишол на посета кај синот во затвор и го прашал дали дошол адвокатот, истиот појаснил дека досега немал посета од никого во затворот, по што Т.Б. и Н.Б. неколку пати се обиделе да го добијат телефонски Н.М., но истиот не се јавувал. Кога тој ги барал телефонски им барал уште пари, при што сфатиле дека се измамени за сума од 20.000 евра.

Social Media Auto Publish Powered By : XYZScripts.com