Куќата на Хитлер нема да се руши да не се кренат неонацистите
Австриската Влада донесе одлука за одземање на родната куќа на Адолф Хитлер во местото Браунау од нејзините сопственици. Прифатен е предлогот на министерот за внатрешни работи Волфганг Соботка да се одземе имотот бидејќи со постоечките сопствениците не беше возможно да се постигне договор за иднината на куќата.
Сепак, куќата нема да биде срушена иако и таа идеја беше ставена на маса. Стравот на Соботка лежи во растот на неонацистичките движења кои сакаат да го вратат култот кон Хитлер. Ако австриската власт решеше куќата да се сруши тогаш сигурно ќе им овозможеше на неонацистите посилно да изразат својот гнев.