Кривичниот суд најави пробивање на рокот за одлуките по барањата на СЈО

Од Кривичниот суд денеска соопштија дека се уште се постапува по барањата на СЈО за определување на притвор и мерки за претпазливост против повеќе лица опфатени во обвиненијата.

„Ја информираме јавноста дека сите предлози веќе се распоредени во работа пред Кривичните совети на овој суд и по истите се постапува“, е наведено во соопштението.

Според судот, со оглед на големиот број на предлози и лицата опфатени во нив, како и доказниот материјал, судиите вложувале напори да донесат одлуки во законски предвидениот рок. Но, како што истакнуваат од судот, по донесување на одлуките и завршување на целокупната процедура, која не може да се предвиди колку ќе трае, јавноста ќе биде информирана кога ќе бидат донесени одлуки на Кривичните совети.