Кривична пријава против Александар Атанасов за директорување со Водовод без признаена диплома
Директорот на ЈП Водовод, Александар Атанасов заработи кривична пријава од СУТКОЗ за директорување со јавното претпријатие без признаена диплома. Претседателот на СУТКОЗ, Дарко Димовски пред празниците обелодени документи од министерството за образование и наука според кои дипломата на Атанасов не може да биде признаена во земјава бидејќи не се наоѓа на ниту една релевантна меѓународна листа на признаени факултети. Директорот на Водовод, Атанасов остана недостапен за јавноста. Инаку, според информации на Позитив.мк, денеска трудови инспектори го посетиле јавното претпријатие и ги истражувале и случаите на деградирани и отпуштени работници.
Не е дозволено преземање на оваа содржина без согласност на редакцијата на Позитив.мк, освен со линк до конкретната страница