Краделе од автомобил во движење, таргет жени со ташни

МВР поднесе кривични пријави за тешки кражби на дрзок начин за двајца ограбувачи, од кои едниот е Д.Б на возраст од 36 години, а вториот осомничен е малолетен и се уште не е лоциран од полицијата. Најпрво Д.Б со второсомничениот се возел во автомобил „шкода фелиција“ и им се доближувале на жени за да им ги украдат ташните или торбите.

Д.Б. посегнувал од отворениот прозорец, а останатите три тешки кражби ги извршил на истиот начин но, сам со што вредните предмети го задржувал, а остатокот го фрлал во контејнер. Од една ограбена жена нашол и кредитна картичка која два пати ја искористил за вадење пари бидејќи на неа бил запишан ПИН бројот.

Кражбите ги вршеле на територија на Аеродром и Кисела Вода. На Д.Б му е изречена мерка притвор од 8 дена, а истрагата ја води Единицата за имотни деликти и малолетничка деликвенција на МВР.