Wednesday, Sep 16, 2020
HomeДЕНЕШНАПолитикаКоѕиас на средби со државниот врв

Коѕиас на средби со државниот врв

kodzias

Шефот на грчката дипломатија, Никос Коѕиас, денеска е во еднодневна посета на Македонија, за време на која ќе оствари поединечни средби со претставниците на државниот врв.

Коѕиас, кој утринава со автомобил допатува во Македонија, прво ќе се сретне со министерот за надворешни работи на земјава, Никола Димитров, по што двајцата ќе дадат изјави за медиуми.

По средбата со Димитров, грчкиот министер за надворешни работи ќе се сретне со претседателот Ѓорге Иванов, премиерот Зоран Заев и со вицепремиерот Бујар Османи, како и со претставници на политичките партии.

Спорот за името не е на агендата на посетата на Коѕиас, туку имплементацијата на мерките за доверба и заклучоците од последната средба на работните групи на двете министерства, одржана завчера во Атина.