Конечно пронајдена близначка на планетата Земја

Истражувачите од Институтот за вонземска интелегенција при НАСА со голема гордост сооштија дека ја пронашле планетата близначка на Земјата со неверојатна сличност во составот и формата. На новата планета и е дадено името Kepler 452b и утврдено е дека се наоѓа во идеалната зона на нејзиното сонце со услови за постоење на течна вода, а со тоа и на жив свет.

„Kepler 452b не носи еден чекор поблиску во поимањето на тоа колку многу населиви планети има во вселената“ оцени Џосеф Твикен, еден од главните научници на SETI програмата.

Првичните податоци за Kepler 452b се навистина импресивни, нејзиното сонце е за 10 проценти поголемо од нашето, годината на оваа планета трае 385 дена, а е за 60% поголема од Земјата.

Единствената поголема разлика е што нејзиното сонце е за 1.5 милијарди години постаро од нашето или вкупно 6 милијарди години и постои можност сончевата активност да е далеку посилна и посветла што би довело до испарување на океаните, а истата судбина не чека и нас за соодветниот временски период.