Колективна венчавка во затвор во Колумбија

Во еден затвор во колумбискиот град Кали била организирана колективна венчавка на 17 затвореници кои и покрај тоа што се зад решетките, одлучиле да стапат во брак со своите вереници. Затворот во овој град по оваа прилика вчера служел и како црква и сала за прослави, а младите заедно со нивните најблиски, облечени во бело, дошле до оваа установа со цел да го кажат судбоносното „да“.

Меѓу нововенчаните парови се наоѓале и 39-годишниот Оскар Иван Енао и неговата сега вече 31-годишна сопруга Магда Гонзалес, кои одлучиле да се венчаат уште од април, но Оскар во меѓувреме бил уапсен поради обид да изнуди пари, додека настојувал да обезбеди финансиски средства за свадбата.

Магда за време на вчерашната венчавка го запознала и со неговиот син, роден пред две недели.