Кои се македонски кандидати за Европскиот суд за човекови права

Македонија треба да предложи нов кандидат кој ќе ја замени судијката Мирјана Лазарова Трајковска, чиј мандат во Европскиот суд за човекува права истекува кон крајот на годинава. На листата на потенцијални кандидати се најдоа јавниот обвинител Јован Илиевски, уставниот судија Наташа Габер-Дамјановска и амбасадорот на Република Македонија во Ватикан Звонимир Јанкуловски.

– Согласно постапката за избор на судија во ЕСЧП, Парламентарното cобрание на Советот на Европа ќе спроведе интервју со тројцата предложени кандидати на 30 септември 2016 година во регионалната канцеларија во Париз, по што ќе се произнесе со гласање во однос на изборот на судија од Република Македонија, стои во соопштението.

Листата e доставена од Постојаната мисија на Република Македонија во Стразбур до Секретаријатот на Советот на Европа.