Кина ја обвини Америка за милитаризација на Јужното море

Министерството за одбрана на Кина упати нова серија на обвинувања кон американската влада за милитаризација на Јужното кинеско море со поставување на голем број воени бродови и носачи на авиони и спроведување на зеднички воени вежби со своите сојузници. Кина оценува дека САД ја подигнува реториката на воена состојба пред самитот во Малезија каде ќе се разговара за поморските спорови.

Според кинеските власти Америка премногу се меша во односите во Југостична Азија и завзема страна што не е пожелно за создавање на атмосфера на мир и градење на доверба. Од друга страна пак, САД ја обвини Кина дека гради упоришта на повеќе острови и го зголемува военото присуство што ги вознемирува Малезија, Виетнам, Филипини и останатите држави. Следната недела во Малезија ќе преговараат Џон Кери државниот секретар на САД и министрите за надворешни работи на земјите од Југоисточна Азија.