Кина ја гради највисоката брана во светот
Кина ја започна изградбата на една од највисоките брани во светот која во вертикала ќе има бетонски ѕид висок 314 метри, а ќе биде значаен енергетски извор поставена на моќната река Јангце. Според проекциите министерството за животна средина на Кина објави дека браната наречена Шуанџианкоу ќе биде готова до 2022-ра кога ќе биде пуштена во употреба.
Кина прави огромни проекти во изминатите години за добивање на големи енергетски капацитети од хидропотенцијалите, а Шуанџианкоу чини неверојатни 5.8 милијарди долари и пред втората брана по големина Џингпинг1 со 302 метри исто така изградена во најголемата држава на светот.
Кина има поставено државна стратегија со која до 2030 година 20% од енергетските потреби ќе се обезбедат од чисти или обновливи извори и ќе се намали зависноста од нафта и фосилни горива.
Обединетите нации имаат забелешки за проектите на Кина бидејќи се спроведуваат во населени области каде луѓето се принудени да се преселат за речиси минимални надоместоци, а има и големи штети во животната средина со намалување на рибниот фонд.