Километарски колони на граничниот премин „Богородица“
Утрово, километарски колони возила го блокираа граничниот премин „Богородица“ од Грчката страна. Возилата и патниците со часови се заглавени и чекаат за влез во земјава.
Од АМСМ соопштија дека интензитетот на сообраќајот на патните правци надвор од градските средини е зголемен.
На граничните премини „Богородица“ и „Дојран“ има задржувања од 15-тина минути за излез од државата, додека на останатите премини нема подолги задржувања. Оваа информација се однесува само за македонската страна на границата.