Ќе се мотивира комбиниран превоз со држачи на велосипеди на ЈСП

Со држачи за велосипеди на автобусите на ЈСП може значително да се мотивира алтернативниот вид на превоз за граѓаните кои живеат на поодалечени локации во градот и често користат градски превоз.

Ова прашање го покрена граѓанската иницијатива „На точак“, а ЈСП минатиот месец се обврза дека ќе го спроведе овој проект. Со тоа на граѓаните ќе им се овозможи да го комбинираат јавниот превоз и велосипедот како превозно сретство. Тоа е пракса во голем број земји од светот и би било доста практично доколку се воведе и кај нас.

Сега е во процес изработка на упатство за користење на држачите, а се предивдува дека користењето на држачите за велосипеди не би се наплаќало. На крајот ќе се спроведе кампања за популаризирање на проектот и подигање на свеста кај луѓето за користење на комбиниран јавен превоз.