Thursday, Jul 20, 2017
HomeДЕНЕШНАЕкономијаЌе се гради акумулација и мини хидроцентрала на Градечка река

Ќе се гради акумулација и мини хидроцентрала на Градечка река

akumulacija_barje

Трајното решение за квалитетно водоснабдување на Виница и околните населени места Градец и Лески општина Виница е во изградба на мини акумулација и мала хидроцентрала на Градечка река, чиј воден потенцијал во текот на целата година е мошне голем, информира денеска Игор Спасевски, директор на ЈКП „Солидарност“.

– За оваа цел Управниот одбор на ЈКП „Солидарност“ од Виница донесе одлука за започнување на постапка по пат на јавно-приватно партнерство да се градат овие два капитални објекти. Мнозинска поддршка дојде и од Советот на општина Виница на последната седница на Советот, изјави Спасевски.

Согласно проектната документација која општина Виница веќе ја подготви приватниот инвеститор ќе треба да изгради цевковод во должина од 3.450 метри со што остатокот од водата од главниот цевковод ќе го транспортира до МХЕЦ Виница, додека со пластичен цевковод во должина од 90 метри ќе ја враќа водата во Градечка река.

– Бенефитот од оваа инвестиција за жителите од општина Виница ќе биде мошне голем. Ќе се нормализира водоснабдувањето во градот и населените места Градец и Лески, а површините кои се наводнуваат по течението на Градечка река ќе имаат доволни количини на вода за наводнување, изјави Емил Дончев, градоначалник на општина Виница.