Ќе се чистат сите „фантомски“ гласачи од избирачкиот список

Државната изборна комисија најави дека ќе започне процесот на пречистување на избирачкиот список по веќе договорената методологија со споредба на податоците и вкрстена проверка од десет различни институции кои имаат свои бази за да се добие поголема релевантност и гаранција дека било какви фантомски гласачи нема да го нарушат изборниот процес и еднаквоста на гласот.
Граѓаните потоа ќе можат да проверат на интернет страната на ДИК дали ги има на списокот, а ќе се врши и теренска проверка која меѓу партиите е и најпроблематична бидејќи може да одзеде повеќе време и да го одложи датумот 24 април кој беше првично прифатен, но сега е веќе тешко достижен.