Капитол обоен во сино за петте убиени полицајци
Претседателот Обама нареди знамињата во престолнината Вашингтон да се вејат на половина копје, додека пак Капитол хил каде е седиштето на Конгресот ќе свети во сино во чест на петте убиени полицајци во Далас од страна на снајперистот Мика Џонсон.
Слично одбележување ќе има и во повеќе сојузни држави чии владини институции исто така ќе бидат обоени во сино во знак на жалост за еден од најкрвавите напади врз полицијата по терористичките напади на Кулите близначки. Во САД е прогласена петдневна жалост за државните институции.