Thursday, Mar 28, 2024
HomeДЕНЕШНАЕкономијаКако вашата идеја да ја претворите во успешен бизнис?

Како вашата идеја да ја претворите во успешен бизнис?

Сивус инкубаторот и Brainster организираат обуки за успешно претворање на идејата во успешен бизнис. Од 10-ти до 12-ти јуни ќе се одржи работилница на која може да се пријават сите заинтересирани. На стартап работилницата ќе ги научите сите неопходни и битни бизнис моменти и вештини со чија помош ќе успеете во креирањето на нов производ и негово лансирање на пазарот.

Имате идеја да започнете свој бизнис? Или можеби имате многу идеи меѓутоа не сте сигурни која од нив има потенцијал да прерасне во нешто големо? Не знаете кон што да се насочите и како да започнете за да ги реализирате вашите соништа? Тогаш оваа Startup Bootcamp работилница е тоа што ви треба!

Во текот на оваа тридневна Bootcamp работилница ќе научите како да го искористите потенцијалот на MVP (Minimum Viable Product) и основните стартап алатки со цел најефективно да ја валидизирате вашата бизнис идеја.

Ќе се запознаете со основните маркетинг трикови за growth hacking и нивна правилна имплементација во маркетинг миксот. Откако ќе направите анализа на пазарот за да проверите дали истион има потреба од вашиот производ, ќе ви биде претставен начинот на изготвување бизнис модел со чија помош ќе успеете да ја материјализирате вашата идеја во профитабилен бизнис и тоа во најкус можен период.

Исто така ќе бидете запознаени и со алтернативните начини на добивање финансиска помош, како на пример crowdfunding. И секако ќе дознаете како да го мерите успехот на вашиот производ, односно кои метрики да ги користите за да имате прегледност и да знаете дали се движите во саканата насока.