Кајмаковски во финалето на ТЛЗП

Даниел Кајмакоски влезе во финалната емисија на шоуто “Твоето лице звучи познато”, која ќе се одржи следната недела во студиото на ТВ “Прва” во Белград.

Кајмакоски стаса до финалето според вкупниот пласман на поените во изминативе емисии, но и според гласовите на публиката. Во завчерашната емисија тој изведе фантастична имитација на поп-кралот Мајкл Џексон и неговите хитови “Трилер” и “Валканата Дијана” (Диртѕ Диана). Симпатиите на публиката од регионот, Кајмакоски ги освои и поради успешната маска и месечевиот од на Мајкл Џексон кој одлично го симна. Ивана Петерс, Никола Роквиќ, Неша Бриџис и Каја Остојиќ се останатите четворица финалисти во шоуто.