Каде ги потрошија Грците парите за спас на економијата

Неспособноста на Грција да го врати огромниот надворешен долг ги налути добар дел од европските политичари кои стравуваат од последици како девалвација на еврото и постепен распад на еврозоната бидејќи следни може да бидат Шпанија, Португалија и Ирска. Сигурно и тие се прашуваат што е со финансиската помош која и беше доделена на Грција и дали тие милијарди долари доделени во 2010 за справување со последиците од Светската економска криза направија некаква разлика.

Грција тогаш по мачни преговори и речиси граѓанско востание на улиците доби отпишување на дел од долговите кон приватните кредитори, како и 240 милијарди евра за финансирање на политики за еконосмска стабилност. Сепак, парите и не може да се користат на поинаков начин бидејќи долгот кон европските банки изнесува 340 милијарди евра, а парите се враќаа и кон пензиските фондови кои и покрај помошта претрпеа огромни загуби.

Затоа се проценува дека само 10 проценти од финансиската помош Грција успеала да ја искористи за подобрување на економијата и заштита на ранливите категории на граѓани во време на економски шокови. Сега, неможноста да се врати долгот ќе значи излез од или излез од еврозоната, банкрот кој веќе неколку години се прогнозира и поголема економска криза или пак ќе се прифатат суровите мерки за штедење, намалување на плати и пензии и социјални бенефиции што ќе доведат повторно до граѓански револт.