Измамници собираат донации во име на МПЦ

Непознати лица претставувајќи се во име на МПЦ собирале донации по куќи и станови во Скопје за поплавените подрачја. Станува збор за измама, на која предупредува Скопската епархија. МПЦ посочува дека донациите кои се собираат се исклучиво во храмовите.

– ИЗВЕСТУВАЊЕ: Забележани се примери, како поединци во името на Македонската православна црква – Охридска Архиепископија или некој храм при МПЦ-ОА, собираат по домови донации за настраданите во поплавите, велејќи дека се испратени од некој храм или свештеник. Вашите донации се примаат само во храмовите, напиша на фејзбук, Отец Бобан Митевски.