Изгореа две куќи во Шуто Оризари

Во пожар што вчеравечер избил на улицата Патрис Лумумба во скопската населба Шуто Оризари изгореле две куќи, а две биле делумно опожарени, соопшти денеска МВР.

Како што за „Мета“ објасни командантот на скопската Територијална противпожарна единица, Звонко Томески, случајот бил пријавен вчера, по 19.40 часот, по што веднаш се интервенирало со седум противпожарни возила и 22 пожарникари и иако имало опасност пожарот да се прошири, тој бил успешно изгаснат во 22.30 часот.

Причините за пожарот сè уште се непознати.