Изгоре возило во голем пожар кај Ротино

Голем пожар избувна вчера кај битолското село Ротино, објави телевизијата Тера. Пожарот зафатил и едно возило кое се движело на патот и изгорело, а се уште нема информација дали има повредени.

Противпожарната единица на Битола е на терен и состојбата според зборовите на командирот е многу опасна. Во гаснењето на пожарот е вклучено и локалното население. Според информацијата на телевизијата, пожарот избувна кај селото Цапари и зафати нискостеблеста шума. Ветерот кој доцна попладнево го имаше во регион, овозможил брзо ширење.

извор:ТВ Тера