Иванов го пречкрта ФИРОМ на Самитот во Истанбул
Претседателот Иванов деновиве престојува во работна посета на Република Турција, каде што учествува на Светскиот хуманитарен самит во Истанбул, во организација на Обединетите Нации.
Притоа, домаќините увиделе дека Иванов на заедничката фамилијарна фотографија од самитот е заведен како “Претседател на ПЈРМ” тоа предизвикало непријатност, бидејќи и самите тие не очекувале такво нешто. Македонскиот претседател лично ја пречкртал привремената референца ПЈРМ, под неа напишал Македонија и потоа го ставил својот потпис, информираат од кабинетот на Иванов.
Турските домаќини со аплауз го дочекале овој гест на македонскиот претседател а поддршка добил и од другите кои што присуствувале.