Итната медицинска помош ќе оперира со 60 екипи во Скопје

Итната медицинска помош ќе биде збогатена со 75 нови вработувања од кои 35 доктори, 20 медински сестри и 20 возачи, а за нивните потреби ќе се набават и 12 возила со најнова опрема. Со новиот персонал Итната медицинска помош ќе оперира со вкупно 60 екипи на територија на Скопје и ќе може да одговори на сите потреби во град кој има над 500 илјади жители и побрзо ќе интервенира на повиците. Нови пунктови ќе се отворат и во Петровец, Сарај и Чучер Сандево за да им се помогне и на жителите на периферијата на градот со што значително ќе се подобри интервентната здравствена заштита. Обуки ќе се обезбедат и за тимовите на Итната медицнска помош низ државата.