Исчезна авион на EgyptAir на летот Париз-Каиро, потрага во Медитеранот

Авион на летот MS804 на компанијата EgyptAir најверојатно се срушил недалеку од грчкиот брег во Егејското море откако контролата на летање целосно изгубила контакт по полетувањето од Париз. Сигналот за итност бил активиран околу 4:30, а контактот е изгубен на 280 километри од брегот на Египет.

Во авионот кој се упатувал кон Каиро имало 66 луѓе. Властите во Франција и Египет посочуваат дека сега најважно е да се пронајде срушениот авион за потоа да се спроведе истрага и да се утврдат точните причини за падот, но можноста за тероризам засега никој не ја исклучува.