Ибрахимовиќ преку социјалните мрежи ја откри својата следна дестинација!

Сега веќе е се готово, Златан Ибрахимовиќ преку социјалните мрежи го објави својот трансфер во Манчестер Јунајтед. После повеќе од еден месец шпекулирање, Ибрахиимовиќ конечно го потврди својот трансфер во англискиот великан. Тој тоа го направи на својот Инстаграм, а потоа и на својот Фејсбук профил, каде напиша деа неговата следна дестинација е Јунајтед.

„Време е конечно светот да дознае, мојата следна дестинација е Манчестер Јунајтед“, напиша еден од најпопуларните фудбалери на денешницата.

Златан Ибрахимовиќ од 1 јули и официјално ќе биде нов фудбалер на Манчестер Јунајтед бидејќи тогаш му истекува договорот со Парис Сен Жермен. Наскоро се очекува потврда и на официјалниот сај на Манчестер Јунајтед.