Huawei го сруши дуополот на Samsung и Apple

Huawei е на добар пат за да ја дестабилизира позицијата на Samsung и Apple како трет најголем мобилен бренд во светот со фантастичен раст во последните три години.

„Сакаме да бидеме најголем производител на смартфони во светот. Тоа ќе биде долга трка, но ние сме трпеливи. Постојат само три големи компании на пазарот на смартфони – Apple, Samsung и Huawei. Пазарот се консолидира… а другите компании ќе исчезнат во наредните 5 години“, официјално објави Ричард Ју, одговорниот за потрошувачката електроника во Huawei.

Очигледно компанијата е доволно амбициозна и сериозна во своите намери, затоа што во првите 6 месеци од 2016 година имаше пораст на доставени смартфони од 25%, односно над 60 милиони доставени примероци. Растот на потрошувачката електроника изнесува 41%.

Извор: telefoni.mk