Хрватскиот сабор го доби својот нов претседател

Жељко Реинер од Хрватската демократска заедница e избран за претседател на денешната конститутивна седница одржана од осмиот состав на Хрватскиот сабор. Според гласовите од пратениците, 88 гласале за, еден против, а дури 62 се изјасниле како воздржани.

Денешното заседание беше продолжение на прекинатата седница од 3-ти декември која ескалираше со повлекување на кандидатурата на Роберт Подолњак од партијата Мост од причина што беше јасно дека нема да добие доволно гласови за да биде избран на функцијата, во услови без договор помеѓу поголемите партии.