Хрватски хулигани каменувале вила во која престојувал Ракитиќ со семејството

Хрватскиот репрезентативец Иван Ракитиќ доживеал непријатни моменти со своето семејство кој пред два дена пристигнале на летен одмор на островот Угљан.

Луксузната вила „Марија“ во која тие престојувале станала мета на хулигани кои фрлале со камења и ги искршиле прозорците и вратите. Поради безбедносни причини, фудбалерот на Барселона за помалку од половина час го напуштил островот. Задарската полиција излезе на местото на настанот и ќе ги гони виновниците.