Sunday, Aug 20, 2017
HomeРЕФЛЕКТОРМедиумиХРТ подели 16 откази поради фалсификувани дипломи

ХРТ подели 16 откази поради фалсификувани дипломи

hrt

ХРТ подели 16 отказни решенија за фалсификувани дипломи. Стручната служба на Хрватската радио-телевизија, при проверка на документите за стручната подготовка на вработените, досега пронашле 16 лажни документи – четири факултетски дипломи и дванаесет средношколски сведителства, по што сопствениците на тие документи добиле отказни решенија.

Како што јави ХИНА, ХРТ и натаму ја продолжува постапката за проверка на документите за стручната подготовка на вработените, со цел квалитетно, целосно и долгорочно да ја утврди кадровската структура и составот на вработените. ХРТ нагласува дека по првите проверки на почетокот на минатата година се пронајдени четири фалсификувани дипломи и дека кон крајот на 2015 година започнала и проверка на сведителствата и останатите документи на вработените.

– На сите вработени за кои се потврди дека поседуваат лажни документи им се дадени отказни решенија, а се уште е спорна документацијата која е испратена на проценка кај соодветните државни тела, истакнува ХРТ.

Во соопштнието на ХРТ не се наведува на кои работни позиции биле вработените со фалсификувани средношколски сведителства, но меѓу оние со лажни дипломи, како што се открива, биле сметководител, вработен во сектроот за размена на видео материјали и мајстор за осветлување.

Според последните податоци, на 31 јануари оваа година ХРТ имаше 2.851 вработени.