Хан Соло ќе пука прв во новиот Star Wars филм
Хан Соло како еден од најголемите филмски фраери на сите времиња кој секогаш пука прв конечно ќе добие соло филм во Star Wars франшизата, а приказната ќе ја следи неговата младост и авантурите како интергалактички шверцер.
Во поп културата секогаш ќе остане запаметен актерот Харисон Форд кој го глумеше Хан Соло во оригиналната трилогија, а ќе го видиме и во новите филмови почнувајќи од The Force Awakens овој декември. Затоа сега се бара неговиот наследник кој ќе го превземе ликот на Хан Соло, а според харизмата и талентот одличен избор би бил Бредли Купер иако има уште многу одлични актери кои совршени би „влегле“ во ликот.
Премиерата на соло филмот за Хан Соло е закажана за 25 мај 2018-та, а за режисери се одбрани Кристофер Милер и Фил Лорд кои имаа многу успешни проекти како The Lego Movie и комедијата 21 Jump Street. Што мислите вие, кој актер вие би сакале да го видите како харизматичниот Хан Соло придружуван од Чубака.