Хан ги чека лидерите во Виена за да ја решат кризата
Еврокомесарот за проширување Јоханес Хан ги повика лидерите на најголемите политички партии во Виена каде ќе треба за последен пат да се обидат да ја решат политичката криза и да најдат излез од неизвесноста за предвремените парламентарни избори закажани за 5 јуни.
Груевски, Заев, Ахмети и Тачи како потписници на договорот од Пржино ќе мора да одговараат и за негово реализирање, особено по неочекуваната и неоправдана одлука за општа амнестија на осомничените политичари за криминал.
Засега политичките партии не дале конечен одговор дали ќе учествуваат на средбата закажана за 22 април во петок, освен СДСМ што искажа дека прво ќе се консултираат со граѓанското движење „Протестирам“.