Sunday, Apr 30, 2017
HomeДЕНЕШНАСкопјеГТЦ привремено куртули од Барок, ќе се реновира Жена парк

ГТЦ привремено куртули од Барок, ќе се реновира Жена парк

gtc-1-zena park

Град Скопје испрати соопштение дека поставените тараби околу ГТЦ не се наменети за негово фасадно преуредување во барокен стил, туку дека ќе започне обнова на Жена парк.

„Во наредниот период ќе се изврши реконструкција на пешачките патеки во паркот, ќе се постави ново осветлување, ќе се реконструира зеленилото, а на крај ќе биде поставена и нова урбана опрема. Градежните работи на терен ги извршува фирмата „Урбан инвест“ од Кавадарци, соопштуваат од Град Скопје.

Доцна вечерта се појавија првите слики на социјалните мрежи од оградата за градежни активности и веднаш се помисли дека ќе започне изведувањето на новата фасада и покривање на ГТЦ за што јавноста беше силно против иако референдумот во општина Центар беше неуспешен.