Грујовски: Синдикалната зграда која ја градеа работниците сега е во раце на мафија

Четирите градски синдикати, СУТКОЗ, УПОЗ, СЕИР и АГРО, ќе поднесат тужба до Меѓународната организација за труд во Женева бидејќи се бесправно исфрлени од ССМ.

Претседателот на УПОЗ Пеце Грујовски денеска обвини дека се крши правото на синдикално здружување и дека се повеќе се формираат синдикати кои работат на штета на работниците.

„Конвенции се прекршени за слобода на синдикално здружување. Социјален дијалог не постои, се формираат жолти синдикати кои работат за интересите на работодавачите. Синдикалната зграда која ја градеа работниците сега е во раце на мафија – рече Грујоски за трибината која на организираше фондацијата Фридрих Еберт.

Тој исто така побара поништување на одлуката со која Живко Митревски останува претседател на синдикатот.