Гром удри на концерт во Германија, неколкумина повредени
Неколку луѓе се повредени во Германија во удар на гром за време на познатиот рок-фестивал на отворено Rock am Ring, соопшти ноќта кон саботата портпаролот на полицијата.
Точниот број на настрадани не е соопштен. Настапот на музичарите беше прекинат.
Лошите временски услови погодија десетици илјади гости на фестивалот кој традиционално се одржува од 3-ти до 5-ти јуни во градот Мендиг, во сојузната Рајнска област-Пфалц.
Германската метеоролошката служба предупреди дека во областа претстојниот викенд е можно силно невреме со поројни дождови.